AF232: 53r
ġazel‑i ʿUbeydī
hezec: mefāʿīlün ‑ mefāʿīlün ‑ mefāʿīlün ‑ mefāʿīlün
1 Hevā‑yi qadd‑i ṭūbān‑ile [!] ey serv‑i ḫırāmānum
Cihānı seyle vėrdi ġarqa eşk‑i çeşm‑i giryānum
Görünmezsin baña yazuq degül‑midür a sulṭānum
Meded öldüm cemālüñ cennetüñ ʿarż eyle rıżvānum
2 Ruḥ‑i[!] zībānı[!] gözler görmemişdür ey perī‑peyker
Meleksin sen benī Ādemde bulunmaz saña beñzer
Firāqı günümüz laʿl‑i lebüñ‑le aqar eşk‑i ter
Meded öldüm cemālüñ cennetüñ ʿarż eyle rıżvānum
3 Revā‑mı her zemān ėtmek mekānum dūzaḥ‑i [!] cinnet
Esīrüñ oldum ise kāfir olmadum behey āfet
ʿUbeydī ḥaste‑ḫālüñ [!] cānına kār eyledi fürqat
Meded öldüm cemālüñ cennetüñ ʿarż eyle rıżvānum
[...]